Fréttir

Fyrir jólin var auglýst hönnunarsamkeppnin Jólahúfan 2020. Þátttakan var góð og bárust margar fallegar húfur. Það kom svo í hlut dómnefndar að velja vinningshafa. Ingunn Jóna Hraunfjörð fékk viðurkenningu fyrir jólalegustu húfuna, Áslaug Ólafsdóttir fyrir skemmtilegustu húfuna og Erna Guðmundsdóttir fyrir þá frumlegustu.

Við vekjum athygli á því að í ljósi aðstæðna verður ekki boðið upp á sælgæti fyrir söng á öskudaginn þetta árið.

Miðarnir á gámasvæðið fyrir 2021 eru komnir í afgreiðslu bókasafnsins.

Afgreiðslutími bókasafnsins yfir hátíðarnar verður sem hér segir:

Vinningshafinn í bangsagetrauninni, sem haldin var í tilefni af alþjóðlega bangsadeginum 27. október, kom við hjá okkur á dögunum og sótti vinninginn sinn. Það var hinn 5 ára gamli Benjamín Daði sem datt í lukkupottinn að þessu sinni. Benjamín giskaði rétt á nöfn fimm þekktra bangsa og við óskum honum til hamingju með glaðninginn.

Opnuð hefur verið sýning á verkum átta myndlistarmanna úr Myndlistarfélagi Árnessýslu. Á sýningunni eru ólík verk unnin með mismunandi aðferðum og eru þau öll til sölu. Myndlistarmennirnir eru Hallfríður Ólöf Haraldsdóttir, Sæunn Freydís Grímsdóttir, Helga Haraldsdóttir, Jón Magni Ólafsson, Hjördís Alexandersdóttir, Álfheiður Ólafsdóttir, Kristín Ólafsdóttir og Ásta Þórey Ragnarsdóttir. Sýningin stendur til 30. september og er opin um leið og safnið, mánudaga kl. 11-18:30, aðra virka daga kl. 13-18:30 og laugardaga kl. 11-14.

Fimmtudaginn 24. september kl. 17 ætlum við að keyra leshringinn okkar aftur í gang eftir langt hlé vegna covid-19 og sumarleyfa. Við tökum upp þráðinn þaðan sem frá var horfið og spjöllum um Klakahöllina eftir norska rithöfundinn Tarjei Vesaas sem áætlað var að fjalla um í mars síðastliðnum. Allir eru velkomnir.

Sett hefur verið upp sýning á verkum Jónu Berg Andrésdóttur á Bókasafninu í Hveragerði. Jóna sækir hugmyndir sínar í land og náttúru sem hún þekkir vel eftir búsetu í Eyjum og margar ferðir um landið en uppsprettan kemur líka úr dýraríkinu og mannlífinu, ekki síst úr hennar nánasta ranni.

Bókasafnið í Hveragerði verður opnað að nýju mánudaginn 4. maí. Við minnum þó á að samkomubann er enn í gildi þrátt fyrir tilslakanir og biðjum því lánþega að virða áfram tveggja metra regluna, nota spritt og stoppa stutt við.