Leshringur

Leshringurinn hittist á bókasafninu síðasta fimmtudag hvers mánaðar 
kl. 17-18 yfir vetrarmánuðina.

Í hverjum mánuði er lesin ein bók sem svo er fjallað um á næsta fundi. Allir eru velkomnir í leshringinn og þeim sem hafa áhuga á að lesa bók mánaðarins er bent á að koma við í afgreiðslu bókasafnsins og fá hjá okkur eintak af bókinni. 

Næsti fundur leshrings bókasafnsins verður haldinn fimmtudaginn 25. maí og þá verður fjallað um bókina Sendiboðinn eftir Yoko Tawada. 

Það verður heitt á könnunni að vanda og öll velkomin. Eintök af bókinni má nálgast í afgreiðslu bókasafnsins. 

Um bókina:

Japan hefur um langa hríð verið lokað vegna ónefndra náttúruhamfara af mannavöldum. Eldra fólkið lifir lengi við hestaheilsu og annast um börnin sem eru viðkvæm og gömul fyrir aldur fram. Mumei býr með Yoshiro, fjörgömlum langafa sínum. Drengurinn er veikburða og með hitasótt en hann er klókur og alveg laus við sjálfsvorkunn og bölsýni. Yoshiro einbeitir sér að því að fæða og klæða Mumei, útvalinn sendiboða, þjakaður af samviskubiti vegna gjörða sinnar kynslóðar og afleiðinga þeirra.

Margverðlaunuð skáldsaga eftir japanska rithöfundinn Yoko Tawada, en áður hefur komið út á íslensku bókin Etýður í snjó eftir sama höfund. Þrátt fyrir að Sendiboðinn sé eins konar dómsdagsspá, þá er hér um að ræða hrífandi og gáskafulla skáldsögu.