Fréttir

Vegna viðhalds á húsnæði verður bókasafnið lokað frá og með miðvikudeginum 17. maí til og með mánudagsins 22. maí. Skilakassinn verður á sínum stað við inngang bókasafnsins.

Bókasafnið í Hveragerði verður lokað yfir páskana frá 6.-10. apríl. Opnum aftur stundvíslega kl. 13 þriðjudaginn 11. apríl. Gleðilega páska!

Við á bókasafninu erum að safna fræjum - til að gefa áfram. Tökum gjarnan við kryddjurta-, matjurta- og sumarblómafræjum á afgreiðslutíma en einnig má setja þau í skilakassann okkar fyrir framan innganginn að bókasafninu. Munið að merkja fræin svo allir uppskeri eins og þeir sá! Við munum svo láta ykkur vita þegar allt verður tilbúið og þið getið sótt ykkur fræ og byrjað að rækta 🙂

María Kristín H. Antonsdóttir sýnir hjá okkur verk frá seríunni Í garðinum hennar ömmu sem hún vann á árinu 2022. María er fædd og uppalin í Hveragerði en býr í Kaupmannahöfn og stundar nám til mastersgráðu við Listaháskólann á Fjóni.

Fimmtudaginn 10. nóvember mun starfsfólk bókasafnsins sækja námskeið og freista þess að læra betur á nýja bókasafnskerfið sem tekið var í notkun í sumar. Þennan dag verður bókasafnið því lokað. Við biðjumst velvirðingar á óþægindum sem það kann að valda en bendum á skilakassa við inngang safnsins. Við opnum svo aftur stundvíslega kl. 13 föstudaginn 11. nóvember.

Óskar Theódórsson er fæddur í Reykjavík árið 1961 og stundaði þar myndlistarnám við Myndlistarskólann í Reykjavík. Sýningar hans hlaupa á tugum og er hann hvergi nærri hættur.

Eigið þið burkninn þinn ekki skap saman? Er monsteran búin að yfirtaka stofuna og allar hillur fullar af veðhlaupaafleggjurum? Ekki örvænta! Komdu við á bókasafninu föstudaginn 12. ágúst með plöntur, afleggjara, blómapotta o.s.frv. Reglan er planta á móti plöntu en einnig má skilja eftir afleggjara fyrir aðra.

Vinsamlegast athugið að bókasafnið opnar kl. 13 í stað 11 í dag, mánudaginn 14. mars. Við biðjumst velvirðingar á þeim óþægindum sem það kann að valda en bendum á skilakassann við innganginn.