Dagskrá bókasafnsins á Blómstrandi dögum

Bæjarhátíðin Blómstrandi dagar verður haldin dagana 15. - 18. ágúst 2024 og það verður nóg um að vera á bókasafninu!

Fimmtudagur 15. ágúst

kl. 13-18:30         Hinn árlegi bókamarkaður opnar.
Úrval af góðum bókum til sölu á frábæru verði. Ýmiskonar fræðibækur, ævisögur, skáldsögur, ljóðabækur, barnabækur, bækur á erlendum málum. Komið og gerið góð kaup.

Kl. 13-18:30       Plöntuskiptimarkaður.
Öllum er velkomið að skiptast á plöntum, afleggjurum, pottum o.þ.h. Reglan er planta á móti plöntu og það mun ráðast af veðrinu hvort borðum verður stillt upp inni á bókasafninu eða fyrir utan. 

Kl. 13-18:30       Origami fjölskylduföndur.
Í barnahorninu geta foreldrar og börn komið sér fyrir og föndrað origami.

Föstudagur 16. ágúst

Kl. 13-18:30         Bókamarkaður, plöntuskiptimarkaður og origami fjölskylduföndur

Laugardagur 17. ágúst

Kl. 11-16               Bókamarkaður, plöntuskiptimarkaður og origami fjölskylduföndur

kl. 11:30-12        Tónlistarstund fyrir yngstu krílin
Anna Vala Ólafsdóttir frá Tónagulli býður upp á tónlistarstund fyrir yngstu krílin (0-3 ára) í tilefni þess að tónlistarnámskeið fyrir þennan aldurshóp hefjast á Selfossi í haust. Eldri systkini eru velkomin með. Nánari upplýsingar má nálgast á tonagull.is