Sumarlestur
Sumarlestur 2025
Skráning er hafin í Sumarlesturinn 2025!
Komið við á bókasafninu og skráið ykkur til þátttöku.
Í ár ber sumarlesturinn yfirskriftina Lestrarsprettur Lindu landnámshænu.
Linda landnámshæna fann fjársjóðskort í hillunni hjá afa sínu kapteini Langlegg, sem hvarf á undarlegan hátt ásamt páfagauknum sínum, Hananú. Búðu til þitt eigið vegabréf og farðu í svakalega svaðilför með Lindu landnámshænu. Kannski rekist þið á afa Langlegg og Hananú!
Þetta verður ævintýri líkast! Þú getur heimsótt borgina Santíeggó, siglt yfir Fjaðrafjörð, baðað þig í sólinni á Hanama og skoðað pýramídana í Eggyptalandi.
Það eina sem þú þarft að gera er að lesa í 15 mínútur á dag þar til þú lendir á stjörnu. Þá getur þú komið við á bókasafninu og fengið stimpil í vegabréfið. Fyrir hvern stimpil færðu líka happamiða og gætir unnið verðlaun!
Hver veit nema heppnin verði með þér!
Kíktu við á bókasafninu, fáðu vegabréf, byrjaðu að lesa og leggðu af stað í geggjað ferðalag!
Sumarlestrinum lýkur með uppskeruhátíð í ágúst. Þá fáum við góða gesti og drögum út fleiri vinninga. Uppskeruhátíðin verður auglýst nánar þegar nær dregur. Fylgist endilega með á heimasíðu bókasafnsins og á Facebook.