Nýtt efni

Kápa: Spegilmennið

Spegilmennið

Höfundur: Lars Kepler

Ung kona hverfur á leiðinni heim úr skólanum. Fimm árum síðar finnst hún myrt á hrottalegan hátt á leikvelli í miðjum Stokkhólmi. Joona Linna hefur uppi á vitni að morðinu með aðstoð öryggismyndavéla en vitnið reynist glíma við alvarlegar geðraskanir og algjört minnisleysi um atburði næturinnar. Joona gefst ekki upp og leitar til dávaldsins Eriks Maria Bark í von um að laða fram þessar skelfilegu minningar.

Fáir standast Lars Kepler snúning þegar kemur að æsispennandi, hryllilegum og afar óvæntum fléttum. Spegilmennið er engin undantekning en þetta er áttunda bókin um Joona Linna og félaga hans í lögreglunni í Stokkhólmi sem eiga aðdáendur víða um lönd.