Nýtt efni

Tæpasta vað
höfundur: Jón Hjartarson

Tæpasta vað er önnur ljóðabók Jóns Hjartarsonar, leikara og rithöfundar. Hér er ort um land og líf, gjöfult og grimmt umhverfi, hversdagsleg atvik og uppgötvanir, fortíð og óvissa framtíð, fugla og fólk. Horft er á heiminn af djúpri alvöru og umhyggju, ógnir og hörmungar nær og fjær, en um leið varpa blíðar bernsku[1]myndir og síkvik og öflug náttúran bjarma vonar yfir sviðið í gagnorðum og hlýlegum ljóðum.

Jón Hjartarson var um árabil fastráðinn leikari hjá Leikfélagi Reykjavíkur og starfaði einnig með sjálfstæðum leikhópum. Á löngum ferli hefur hann túlkað geysimörg hlutverk á sviði, í sjónvarpi, útvarpi og kvikmyndum. Jafnframt hefur hann skrifað fjölda leikrita og leikgerða, sent frá sér samtalsbækur, barna- og unglingabækur, samið söngtexta, pistla og skemmtiþætti. Árið 2021 hlaut hann Bókmenntaverðlaun Tómasar Guðmundssonar fyrir ljóðabókina Troðninga.