Nýtt efni

Gráglettni örlaganna
höfundur: Simona Ahrnstedt

Árið er 1884. Nútíminn er að renna í hlað með ferskum straumum og kvennabaráttan að vakna. Ung yfirstéttarkona, Alexandra Rosenkvist, hafði verið send norður í land eftir að hafa valdið fjölskyldu sinni hneykslun. Maður sem hafist hefur af sjálfum sér, Atle Falk, fær það verkefni að fylgja henni aftur heim til Stokkhólms. Þau eiga nánast ekkert sameiginlegt en á ferðalaginu láta forboðnar tilfinningar á sér kræla. Alexandra þráir að mega lifa lífinu eins og hún vill sjálf en íhaldssöm fjölskylda hennar þykist vita hvað henni sé fyrir bestu.

Sænsku ljúflestrardrottningunni Simonu Ahrnstedt bregst ekki bogalistinn í þessari hrífandi sögulegu skáldsögu um ástir og örlög á umbrotatímum.