Nýtt efni

Landamæralaus
höfundur: Jørn Lier Horst

Yfirgefin bifreið við vegkant hverfur hægt sjónum eftir því sem fannfergið eykst. Inni í bílnum er svar við flókinni morðgátu sem enn er óleyst.
Hópur fólks hefur tekið sig saman á netinu um að vinna saman að því að leysa óleyst sakamál. Stjórnandi hópsins hefur samband við Wisting lögregluforingja vegna rannsóknar á morði á áströlskum bakpokaferðalanga í Noregi. Einn virkasti meðlimur hópsins, Astria, kveðst vera norsk. Þegar hún skýrir frá því að hún sé við það að leysa málið, hverfur hún af netinu og enginn í hópnum hefur heyrt frá henni síðan.

Án þess að ætla sér það laðast Wisting að þessari óhefðbundnu rannsókn. En vísbendingarnar reynast margar og óljóst hvert þær leiða …

Tilnefning til Petrona-verðlaunanna sem besta norræna glæpasagan í Bretlandi.

Metsöluhöfundurinn Jørn Lier Horst (1970) var háttsettur rannsóknalögreglumaður í Noregi en frá 2023 hefur hann einvörðungu sinnt ritstörfum. Bækur hans um William Wisting hafa selst í milljónum eintaka. Þær hafa verið þýddar á fjölda tungumála og vinsælar sjónvarpsþáttaraðir hafa verið gerðar eftir þeim.

Magnús Þór Hafsteinsson íslenskaði.