Lesið fyrir hund

Bókasafnið í Hveragerði, í samstarfi við félagið Vigdísi—vini gæludýra á Íslandi, býður börnum að lesa fyrir hunda sem eru þjálfaðir til að hlusta á upplestur. Lestrarstundirnar eru haldnar reglulega yfir vetrarmánuðina og eru hugsaðar fyrir læs börn á grunnskólaaldri og miða að því að auka öryggi barna við lestur. 

Næst verður boðið upp á lestrarstund laugardaginn 15. nóvember 2025. Athugið að nauðsynlegt er að bóka tíma með því að hringja eða senda okkur tölvupóst. 

Við vekjum athygli á því að lestrarstundirnar eru ekki fyrir börn sem eru hrædd við hunda.